ILOILO CITY–Ginpabugal sang Public Service Employment Office (PESO) Iloilo ang award nga ila nabaton bilang Regional Grand Winner sa bilog nga Western Visayas para sa search for best PESO nga ginpatigayon sa Capiz.
Sa interview sang Bombo Radyo kay Francisco ‘Bombet’ Heler Jr. , pinuno sang PESO sang probinsya sang Iloilo, iya ginpahayag nga humalin tuig 2014-2016 napabilin sang PESO Iloilo ang maayo nga performance sa employment programs sa bulig ni Governor Arthur Defensor Sr.
Sunu kay Heler, may yara na sang 965 barangay PESO sa probinsya sang Iloilo kag ginatutukan ang  projects kag special programs sang nasambit nga talatapan.
Nagapasalamat man si Heler sa tanan nga mga alkalde, local chief operatives kag mga media sa pagbulig agud makuha ang nasambit nga award kag nominasyon.
Bilang regional winner, magatiglawas naman sang Western Visayas ang PESO Iloilo sa patigayunon nga national search for best PESO maabot sa Oktubre 25-27 sa Davao City.