MANILA – Mas nagadamo ang numero sang mga Filipino nga nagapati nga mas magapamigado pa gid ang pagpangabuhi sa masunod nga isa ka tuig.
Santo sa Social Weather Stations, na record ang pinakamataas nga numero sang mga Pinoy nga pessimist ukon may negatibo nga panan-aw sa kabuhi bangud sa COVID-19.
Suno kay Leo Laroza, SWS Director for Communication and Information Technology, naglab-ot sa 36% ang nagapati nga mas magapigado pa gid ang kabuhi, 30% naman ang nagapati nga wala sang pagbag-o samtang 26% lamang ang positibo nga makabangon gikan sa kaimulon.
Ang 36% nga pessimism suno kay Larroza ang na record sang Hulyo 2020 kag ini ang mas manubo sa 43% nga na record sang Mayo.
Kun lantawon ang data suno kay Larroza, amat-amat nga nagtaas ang net optimism umpisa sang 2010 kag nalampuwasan ang global economic kag mga kalamidad.
Sa pihak sini, makabig sa gihapon nga alarming ang mataas nga pessimism suno sa sociologist nga si Clifford Sorita.
Sa pagpaathag ni Sorita, kinahanglan nga mabatyagan sang publiko ang konkreto nga bulig gikan sa gobyerno ilabi na subong nga madamo ang nadulaan sang trabaho bangud sa pandemya.
