ILOILO CITY – Nagakinahanglan sang pag-atipan kag pagpalangga ang pagsagod sang ido.
Ini ang pahayag ni Dr. Tomas, Forteza, Iloilo City Veterinarian, tuhoy sa madamu nga layaw nga ido sa syudad sang Iloilo.
Sa programa Good Morning Philippines, ginpaathag ni Dr. Forteza kun ano ang katungdanan sang isa ka pet owner.
Suno kay Dr. Forteza, madamu sang parameter nga dapat sundon antes magdesisyon sa pagsagod sang ido kasubong sang financial capability, space, free time kag dapat man hibaluon kun ano nga breed sang ido ang luyag saguron.
Ginpahayag ni Dr. Forteza nga ang ido ang nagakinahanglan sang pagkaon, grooming, veterinary needs kag bakuna agud nga makalikaw sa balati-an.
Santo sa Republic Act 9482 ukon ang The Anti-Rabies Act, ang pet owner ang may yara sang daku nga katungdanan ilabi na sa pagsagod sang sapat.
Ang pagsagod sang ido suno sa City Veterinarian ang mapaanggid sa pagtatap sa isa ka tawo nga nagakinahanglan sang pagpalangga, pagkaon, grooming kag healthy lifestyle.
Magluwas diri, kabahin man sa responsible pet ownership ang pagparehistro kag ang pagpabakuna sang ido agud nga makalikaw sa rabies.
Kun wala nagapabaya ang tag-iya suno sa natungdan, malikawan ang rabies sa diin ginakulang ang rabies vaccines kag kun may yara man, mahal ang bayad sa treatment.
