Nagfile sang petition for bail pinaagi sa iya legal counsel si former House speaker Martin Romualdez.
Ginkumpirma ini mismo sang Sandiganbayan 3rd Division.
May kaangtanan ini sa kaso nga plunder nga ginpasaka sa iya sang Office of the Ombudsman kasunod sang ginapahayag kaangtanan niya sa mga maanomaliya nga flood control projects sa pungsod.
Pagahiwatun ang hearing sa bail petition ni Romualdez halin Oktubre 12 tubtob Nobyembre 12 sa kada Lunes, Martes, kag Huwebes, kun sa diin magapresentar ang prosekusyon sang 23 ka mga testigo.
Preparado man ang kampo sang Kongresista nga may tatlo ukon apat man nga testigo para sa ila mangin counter-arguments sa tion nga pagakinahanglanun ang mga ini.
Nahibaluan nga nagapabilin nga preso si Romualdez sa New Quezon City Jail Male Dormitory sa Payatas matapos ini nga ginsaylo halin sa Cardinal Santos Medical Center kag sa Philippine General Hospital may kaangtanan sa nangin medical condition sini antes pa gindagdag sa iya ang arrest warrant.
