Ginbasura sang Pasig Regional Trial Court Branch 159 ang petition para sa pyansa nga gin-file sang napriso nga si Pastor Apollo Quiboloy kag sang iya mga ka-akusado may kaangtanan sa kaso nga qualified trafficking bangud sa sexual abuse kag labor exploitation.
Sa 23 ka panid nga court order nga napetsahan Hulyo 20, ginpahayag sang korte nga may baskog nga ebidensya nga nagaangut sa tanan nga akusado sa duha ka kaso sang qualified human trafficking nga ginpatigayon sang isa ka sindikato.
Apang gin-athag sang korte nga ang resolution ang wala nagakahulugan sang mangin resulta sang kaso.
Sang ginpangayuan sang komento, ginpahayag sang legal counsel ni Quiboloy nga si Atty. Israelito Torreon nga magahingyo sila sa korte nga ikonsiderar liwat ang ila desisyon sa labing madali nga panahon.
