Ginmanduan sang Philippine Economic Zone Authority (PEZA) ang information technology-business process outsourcing (IT-BPO) companies nga naga-operate sa special economic zones nga magsunod sa direktiba sang gobyerno nga magbalik na sa on-site work agud nga makalikaw sa mga penalties.
Suno kay PEZA Director General Charito Plaza, ang investment promotion agency’s locator ang kinahanglan nga magsunod sa kun ano man nga penalidad ang idagdag sang Fiscal Incentives Review Board (FIRB).
Nauna na nga gin-reject sang FIRB ang request nga extension sa remote work arrangements nga tubtob na lang sa Marso 31.
Kinahanglan nga magbalik na sa on-site duties ang mga empleyado sa Abril 1.
Samtang, suno naman sa Department of Finance (DOF), ang parent agency sang FIRB, ang IT-BPO companies nga yara sa economic zones ang posbile magpabilin sa Work From Home setup apang kuhaan sang incentives kaangay sang income tax holidays kag ang 5% tax sa gross income.
Apang, pahayag naman sang Inter-Call Center Association of Workers, kinahanglan nga ikonsiderar sang gobyerno ang ila hingyo nga amat-amat nga pabaliko ang mga empelyado sa on-site duties bangud wala sila nakonsulta sang ginpagwa ang amo nga direktiba.
