Nagapanawagan ang Philippine Franchise Association (PFA) sang dugang nga suporta sa gobyerno samtang linibo na nga mga negosyo ang nag shutdown bangud sa COVID-19 pandemic.
Suno kay PFA President Sherill Quintana, 82% sa ila nga mga myembro ang tuman nga naapektuhan sang lockdown kag 94% nga mga magagmay nga negosyo ang nagsirado humalin sang Marso tubtob Hunyo.
Sa pihak sang kabudlayan, ginasukot man sa gihapon ang mga myembro sang nasambit nga grupo sang mataas nga tax assessments sang ila tagsa ka mga local government unit sang sila ang nagrenew sang ila business permits sang Enero.
Panugyan ni Socioeconomic Planning Secretary Karl Chua, pungkuan kag istoryahan sang mga myembro sang Philippine Franchise Association kag LGUs ang tuhoy sa tax assessment bangud ini ang na-base sa local government code.
