Nag-request na ang Philippine Embassy sa Jakarta sa Indonesian authorities nga tugutan sila nga magbisita kay dismissed Bamban, Tarlac Mayor Alice Guo.
Si Guo ang yara sa kustodiya subong sang State Police sang Republic of Indonesia ukon Polri sa Indonesian capital sang Jakarta.
Suno kay Philippine Ambassador to Indonesia Gina Jamoralin, padayunon nila ang pag- extend sang consular services sang embassy kay Guo apisar nga ginakwestyon ang nationality sini.
Ginpahibalo man ang Embassy nga maayo ang kahimtangan ni Guo kag nakahibalo ang Indonesian authorities nga luyag sang gobyerno sang Pilipinas nga i-deport ini gilayon.
Si Guo nga nagbiya sa Pilipinas sang Hulyo 18 kag ginpatihan nga nagbyahe padulong sa Malaysia kag Singapore antes nagsulod sa Indonesia, ang gin-aresto sang Indonesian police sa Tangerang City, sa probinsiya sang Banten.
Suno naman kay Bombo Ginavella Limpino Cumla, international correspondent sa Jakarta, sa subong tuman pa ka limitado ang mga impormasyon nga ginapagwa sang otoridad samtang yara si Guo si Jatanras Mabes Polri nga amo ang nagauyat sang mga high-profile nga mga kaso.
