Isa ang Pilipinas sa mga pungsod nga gin-imbitaran nga makigbahin sa patigayunon nga clinical trial sa diin ginatun-an ang bulong batok sa Coronavirus Disease 2019 (COVID-19).
Suno kay Department of Health Sec Francisco Duque, ginpadalahan sila sang imbitasyon sang pharmaceutical company nga Sino pharm Group agud magtambong sa nasamabit nga trial.
Ini bangud may yara na sang nadevelop nga vaccine ang nasambit nga kompanya nga amo ang pinaka dako nga pharmaceutical firm sa China.
Maduduman nga una na nga nakigbahin ang Pilipinas sa Solidarity trial sang World Health Organization kag clinical trial sang Japanese anti-flu drug nga Avigan.
Samtang, gin-ako naman ni Duque nga gina eksperyensyahan na subong sang Pilipinas ang second wave sang COVID-19 ini matapos nga nalab-ot na sang pungsod ang 13,000 nga mark sa kaso sang nasambit nga balatian.
Sa pihak sini, ginpanginwala naman sang mga eksperto ang nangin pahayag ni Duque, bangud kun matuod nga yara na sa second wave sang COVID-19 ang Pilipinas indi pa mahimo nga mapapanaog ang lockdown.
