Nagpatigayon ang gobyerno sang Pilipinas sang virtual meeting kaupod ang Filipino community leaders sa Qatar agud mag-provide sang updates tuhoy sa developments sa tunga sang kinagamo sa Middle East.
Ang dayalogo gin-organisa agud masiguro nga suportado kag well-informed ang mga Overseas Filipino Workers (OFWs).
Ginpangunahan ini ni Labor Attaché Atty. Ed Ferrer kaupod ang iban pa nga senior government officials sang Department of Migrant Workers kag Overseas Workers Welfare Administration (OWWA), kag Philippine Embassy.
Suno kay Bombo Joseph Rivera, Bombo International Correspondent sa Qatar, sa amo nga meeting ginpamatian ang tanan nga concerns sang mga tiglawas sang Filipino communities.
Ginpasiguro naman sang amo nga mga ahensya sang gobyerno ang kahandaan nga magresponde sa kinahanglanon sang masobra sa 200,000 ka mga Filipinos nga nagaistar kag nagatrabaho sa Qatar.
