Ginkummpirma sang Armed Forces of the Philippines (AFP) nga magapatigayon ang Philippine Navy upod ang Indian Navy sang labing una nga joint maritime drills sa West Philippine Sea (WPS) sa masunod nga semana.
Sa isa ka statement, ginasiling sang AFP chief General Romeo Brawner Jr. nga ang patigayunon nga joint maritime cooperation activity ang masobra pa sa isa ka ceremonial gesture.
Suno sa iya, ang presensya sang India naval tanker sang INS Shakti sa Manila ang nagapakita sang mabaskog nga senyales sang paghugpon sa tunga sang duha ka pungsod sa Indo-Pacific Region.
Ang pagbisita sang isa ka Indian naval tanker sa pungsod isa ka patimaan sang nagapadayon nga pagpalig-on sang defense diplomacy sa tunga sang Pilipinas kag India, kag indi isa ka show of force.
