Nagpirma ang Pilipinas kaupod ang Japan sang lima ka financing agreements nga nagabalor sang P65.4 billion agud pondohan ang big-ticket infrastructure projects, amo man ang climate kag universal health-care programs sang gobyerno.
Ang loan packages ginpirmahan sang mga opisyal sang Pilipinas kag tiglawas sang Japan International Cooperation Agency (Jica).
Suno kay Department of Finance (DOF) Secretary Ralph Recto, tatlo sa lima ka loans ang supplementary financing agreements para sa bypass road project sa Mindanao kag duha ka major flood control projects sa Luzon.
Ang nabilin nga financing agreements ang para sa pag-provide sang budgetary support para sa government programs sa ikaayong lawas kag climate change mitigation.
Suno sa DOF,ang financing para sa Climate Change Action Program, Subprogram 2 nga nagabalor sang P13.35 billion ang maga- equip sa gobyerno sang financial capability agud mapatuman ang dugang nga climate adaptation, mitigation kag disaster preparedness initiatives.
Ang P11.44-billion loan package naman para sa Build Universal Health Care, Subprogram 2 ang magabulig sa pagpaayo pa sang access sa quality health services.
