May 10 na ka licensed COVID-19 testing laboratories ang Philippine Red Cross kag ginatinguhaan pa sang talatapan nga panubuan ang testing price.
Suno kay anay Health Secretary Paulyn Ubial nga amo subong ang pinuno sang Philippine Red Cross’ biomolecular laboratories, ginalauman nga mangin operational na masunod nga mga sinemana ang mga labororatories sa Passi City sa probinsya sang Iloilo, Surigao, Cotabato, kag Isabela.
Suno naman kay Sen. Richard Gordon, chairman sang Philippine Red Cross, ‘ginapilit’ subong nga mapanubo ang sukot sang COVID-19 testing sa PhilHealth kag sa iban pa nga mga pumuluyo.
Nahibaluan nga sa mga pribado nga ospital, yara sa P4,000 – P10,000 ang COVID-19 testing nga may ‘express results’.
“Pinipilit naming maibaba ang presyo ng sinisingil namin sa PhilHealth at saka sa mga mamamayan. ‘Pag nangyari yan, baka umabot ng P2,500 or even P1,500 ‘pag nagawa ang aming project,” pahayag ni Gordon.
Nahibaluan man nga sa subong, may balayran pa nga kapin P700 million ang PhilHealth sa Red Cross may kaangtanan sa testing activities.
