MANILA – Kapin sa 3.5 million nga Filipino workers ang naapektuhan sang Coronavirus Disease 2019 (COVID-19) pandemic humalin sang Marso.
Suno kay Department of Labor and Employment undersecretary Dominique Rubia-Tutay, masobra sa 200,000 ang permanente nga nadulaan sang trabaho samtang 3.3 million naman ang yara sa flexible work arrangement.
Ginpahayag ni Tutay nga naglab-ot sa 1,264 ka kompaniya ang nagsirado bangud sa pandemic samtang 11,000 naman ang nagpatigayon sang retrenchment ukon nagbuhin sang mga empleyado.
Ang wholesale kag retail sector ang labi nga naapektuhan bangud nga ang mga nagatanyag lamang sang essential goods kag services ang nagapabilin nga bukas.
Nauna na nga gin-anunsyo sang nasambit nga ahensya nga masobra sa 10,000 slots sa business process outsourcing, health kag construction sectors ang available para sa mga nagapangita sang trabaho subong nga may pandemic.
