Nakalab-ot sa Senate blue ribbon committee ang impormasyon nga may mga bodyguards na nga nagapalibot kay Pharmally Pharmaceutical Corporation executive Krizle Grace Mago.
Si Mago amo ang nangindulaan nga opisyal sang Pharmally matapos sini ginbuyagyag sa senate hearing nga gintunto sang kumpaniya ang publiko paagi sa pagbaylo sang expiration dates sang face masks kag face shields.
Una nga ginkumpirma ni panel chairman kag Senator Richard Gordon nga indi na makontak si Mago duha ka adlaw matapos ang iya rebelasyon nga may “swindling” sa gobyerno ni Presidente Rodrigo Duterte.
Sang yara pa sa hearing, nag-apelar si Gordon kay Mago nga magkooperar sa imbestigasyon kabaylo sang ihatag sang Senado nga proteksyon.
Sang amo nga tion, nagpasalig man si Mago nga very willing siya nga magkooperar apang nagpangayo siya sang tion agud nga panumdumon ang tanyag nga proteksyon. Sa katapusan nga kontak kay Mago, indi na ini malab-ot.
Ginapahayag nga wala ini nagatinir sa iya condominium unit apang may kaupod nga mga bodyguards.
