SINGAPORE– Pagasugudan sa Hunyo 1, 2020 ang phase 1 sang paglift sang circuit breaker sa Singapore, bangud sa Coronavirus Disease 2019.
Sa report ni Bombo International Correspondent Nokie Catipunan, iya ginpahayag nga sa phase 1, mahimo makabukas ang mga negosyo nga indi high risk.
Pagabuksan man suno kay Catipunan ang mga nusery, kag kindergarten, agud may bilinan sang ila kabataan ang mga ginikanan nga wala sang ginhire nga yaya.
Suno kay Catipunan, sa phase 1 magapabilin nga sarado ang mga malls, kag pagabuksan lang ini sa phase 2.
Nagnubo naman suno sa iya, ang kaso sang COVID-19 Sa Singapore.
Magluwas diri, may yara man sang ginagamit nga Quick Response Code ukon QR code ang Singapore agud mapadasig ang contact tracing, sa mga posible close contact sang mga nagpositibo sa virus.
Dugang pa sang natungdan, may yara man sang Social Distancing Ambassadors nga nagapanakop sa mga nagalapas sa Social Distancing, kag ang mga madakpan ang magabayad sang 200 Singaporean Dollar ukon halos P7,159.76
