MANILA – Maga-umpisa na sa Nobyembre ang Phase 3 sang vaccine trials para sa Coronavirus Disease 2019 (COVID-19).
Santo sa statement sang Department of Health, ginahandaan na sang Inter-Agency Task Force Sub-Technical Working Group on COVID-19 Vaccine Development nga ginapamunu-an sang Department of Science and Technology kaupod sang iban nga government agencies ang pagpatigayon sang COVID-19 vaccine phase 3 clinical trials sa Pilipinas.
Sa Phase 3 sang clinical trials, linibo nga pasyente ang mangin human subject agud mahibalu-an ang safety kag effectivity sang COVID-19 shots.
Ang Department of Science and Technology amo ang magapanguna sa clinical trials kag magabulig lamang ang Department of Foreign Affairs, Department of Trade and Industry kag Food and Drug Administration.
Ang Department of Foreign Affairs amo ang magahikot sa bilateral partnerships may kaangtanan sa vaccine trials kag magapakig-angot sa Department of Trade and Industry kag sa attached agency nga National Development Company para sa production sa local pharmaceutical companies.
Nauna na nga ginpahayag sang Department of Health nga gina-review na ang application sang tatlo ka international drug makers nga magapakigbahin sa phase 3 sang trials.
Lakip sa mga kompaniya amo ang China’s Sinovac, Russia’s Gamaleya Research Institute kag Belgium-based Janssen Pharmaceutical Companies nga subsidiary of Johnson & Johnson.
