ILOILO CITY – Nagapasalamat kag nagadayaw ang Philippine Army sa ginpatigayon nga Bombo Medico 2019.
Sa interview sang Bombo Radyo kay Lt. Col. Joel Benedict Batara, commander sang 61st Infantry Batallion sang Philippine Army, iya ginpahayag nga isa ka maayo nga programa ang Bombo Medico agud nga makabulig sa mga nagakinahanglan sang medical attention.
Suno kay Batara, bilang first responders, ang Philippine Army ang indi lamang tagpangapin sang pumuluyo kundi nagabulig man sa mga nagakinahanglan ilabi na subong nga National Disaster Resilience Month.
Nagpasalamat man si Batara sa kahigayunan nga ginhatag sang Bombo Radyo Iloilo nga nangin kabahin sila sang Bombo Medico.
Paagi sa simultaneous nga medical, optical kag dental services, ginpahayag ni Batara nga iya nakita nga nagabuligay ang tanan agud nga makabulig sa mas madamu nga pasyente.
