ILOILO – Patalang lang ang pahayag sang New People’s Army nga wala nagapang-recruit sang minor de edad.
Sa interview sang Bombo Radyo kay Lt. Col. Joel Benedict Batara, commander sang 61st Infantry Battalion sang Philippine Army, iya ginpahayag nga binutig ang pahayag sang rebelde nga grupo nga wala sila nagapang recruit sang minor de edad kag ginahanas sa pagpakig-away.
Suno kay Batara, santo sa kuha sang Closed Circuit Television camera sa Brgy. San Jose, Miag-ao, Iloilo sang nakaligad nga binulan, lunsay mga minor de edad ang nakita nga nagabitbit sang armas kag nagpangkakas sang posters sang isa ka pulitiko.
Ginpahayag ni Batara nga indi na kun tani magbuya sang binutig nga pahayag ang New People’s Army agud nga papatihon ang publiko.
Sa pihak sang palusot ukon pahayag sang New People’s Army, isa lang ang masabat ni Batara, “Huwag na tayong maglokohan pa”.
