ILOILO CITY – Nakahanda ang Philippine Army sa posible pagpang-atake sang Communist Party of the Philippines-New People’s Army kadungan sang ika-51 nga anibersaryo sang rebelde nga grupo sa Disyembre 26.
Sa interview sang Bombo Radyo kay Lt. Col. Joel Benedict Batara, commander sang 61st Infantry Battalion sang Philippine Army, iya ginpahayag nga ginalauman na nga may yara sang patigayunon nga kalakasan ang rebelde nga grupo ilabi na kun nagahilapit ukon kadungan sang ila anibersaryo.
Suno kay Batara, may yara sang mandu gikan sa mga matag-as nga opisyal nga magpatigayon sang kalakasan agud nga magtuga sang kakugmat sa mga sibilyan.
Ginpahayag ni Batara nga magluwas sa law enforcement agencies, target man sang mga rebelde amo ang Local Chief Executives nga hugot nga nagakampanya agud matapna ang insurhensya sa pungsod.
Sa pihak sini, ginpahayag sang natungdan nga nakahanda sa tanan nga tion ang Philippine Army agud nga matapna ang ano man nga sahi sang kalakasan tuga sang rebelde nga grupo.
