Wala gin-aprubahan sang Philhealth board ang kapin P37.5 million nga balor sang collaterals para sa 30th anniversary celebration sang state health insurer.
Ini ang ginkumpirma mismo sang chairperson sang board kag Health Secretary Ted Herbosa.
Suno kay Herbosa, pagkatapos sang PhilHealth board meeting kagab-i, gindesisyunan nila nga ibasura ang pila ka collaterals kalakip ang procurement sang malapit 18,000 ka mga paying nga nagabalor P7.9 million.
Ang iban pa nga gin-disaprubahan nga collaterals amo ang masunod: perforated mesh stickers (P7.3 million), tote bag (P1.82 million), anniversary shirt (P3.64 million), marketing shirt (P1.94 million), jacket (P13.65 million), katsa bag (P750,000), kag button pins (P545,000).
Ginpahayag ni Herbosa nga ang commemorative stamp sa PhilPost amo lang ang gin-aprubahan kag gin-deny naman sang board ang tanan bangud may yara na ini sang existing contract sa PhilPost sa balor nga P500,000 .
Suno sa health chief, ang portions sang budget para sa anibersaryo ang ginlakip sa 2024 budget bangud magasugod ang selebrasyon sa first quarter sang 2025.
Samtang, ginsiling man ni Herbosa nga napahibalo na nila ini sa PhilHealth management apang wala siya naghatag sang detalye sa reaction sang health insurer sa amo nga development.
Apang ginpahayag ni Herbosa nga ang savings halin sa disapproved collaterals ang gamiton para sa benepisyo sang PhilHealth members.
