Nag-resign na sa pwesto si Philippine Health Insurance Corp. president kag CEO Ricardo Morales kasunod sang mga alegasyon sa korapsyon kag sa iya pagpakig-away batuk sa balatian nga lymphoma.
Ginkumpirma ini mismo ni Senator Christopher Bong Go.
Suno kay Go, na istorya niya si Executive Secretary Salvador Medialdea kag nabaton na niya ang resignation ni Morales.
Nahibaluan nga gin-abisohan ni Presidente Rodrigo Duterte si Morales nga mas maayo nga maghalin na lang ini sa PhilHealth bangud sa iya health condition.
Padayon nga nagapanindugan si Morales nga wala sang ebidensya nga makapamatuod nga may kaangtanan siya sa anomaliya sa PhilHealth kag ginpanginwala man nga gina-protektahan niya ang mga korap nga opisyal sa ahensya.
