Gin-anunsyo sang Philippine Health Insurance Corp. (PhilHealth) nga may benefits package ini nga mahimo ma-avail sang publiko kun makaangkon sila sang balatian nga naangot sa tuman ka init nga tiyempo.
Suno sa spokesperson sang state health insurer nga si Dr. Israel Francis Pargas, nalakip sa mga kondisyon nga covered sang PhilHealth amo ang heat exhaustion, heat syncope, kag heat stroke.
Halimbawa, mahimo makakuha sang emergency room para sa emergency treatment pananglitan nabudlayan sa pagginhawa ang pasyente ukon nalipong bangud sa sobra nga init.
Eligible man sa benepisyo bisan indi kinahanglan nga maospital, kag wala sang kinahanglan nga requirements kun registered member man ang apektado nga indibidwal.
“Kung merong mga nararamdaman na at may pagkakataon na nahihirapang huminga o may mga pagkakataon na may nahimatay na because sobrang init, pwede tayong madala sa emergency room para sa emergency treatment. Kung hindi kinakailangang maospital, tayo ay maaring makakuha ng benepisyo. Kung registered member, walang hihingin na requirements,” suno sa natungdan.
“May iba-iba na coverage depende sa serbisyo. Kung halimbawa the patient would opt to be admitted in a ward accommodation, mahirap man o hindi, in public or a private facility, dapat no copayment. However if you opt to be admitted in a non-ward accommodation, we expect some co-payments.”
Nagpanugyan naman si newly-installed PhilHealth President kag CEO Edwin Mercado sa mga miyembro sang state health insurer nga mangin alerto sa posible nga balatian subong nga mapaang, magpabilin nga hydrated ukon damuon gid ang gina-inom nga tubig, kag likawan nga magpatial sa init.
(Photo: Edd Gumban)
