ILOILO CITY – Sa ikaduha nga beses, liwat na naman nga nalutos ang Philippine women’s volleyball team sa nagapadayon nga 2022 AVC Cup for Women sa Philsports Arena.
Ini matapos nga ginlutos sang China ang Philippine team pinaagi sa three-set loss sa score nga 16-25, 22-25, 20-25.
Apisar nga nalutos, ginpakabudlayan man sang Pilipinas ang China ilabi na sa third set.
Ginpamunuan nanday Jia De Guzman kag Tots Carlos ang Philippine team nga ginrepresentar sang PVL champion nga Creamline.
Si Carlos ang naka-score sang 15 points samtang si Michelle Gumabao ang naka-contribute sang 11 points.
Si Jemma Galanza ang may yara man sang 11 points.
Samtang, sa bahin naman sang China, si Wu Mengie ang nagpamuno sa team nga may score nga 24 points.
Alas-siyete karon sa gab-i, makasumpong sang Pilipinas ang Iran kag pagasundan sang South Korea.
