Nagpirma na ang Pilipinas kag Japan sang landmark defense agreement subong nga adlaw.
Antes sini, gin-abi-abi ni President Ferdinand Marcos Jr. sanday Foreign Minister Kamikawa Yoko kag Defense Minister Kihara Minoru sang Japan pinaagi sa isa ka courtesy call sa Heroes Hall sa Malacañang Palace.
Ang Japanese Foreign kag Defense Ministers ang yara subong sa Pilipinas para sa 2nd Foreign and Defense Ministerial Meeting (2+2), agud mas mapapag-on pa ang security kag defense policy coordination, kag mangin ang security cooperation sa tunga sang duha ka nasyon.
Kasunod sang joint courtesy call, ginsaksihan ni Marcos ang ceremonial signing sang Philippines-Japan Reciprocal Access Agreement (RAA) sa tunga nanday Department of National Defense (DND) Secretary Gilberto Teodoro Jr. kag Japan Foreign Minister Yoko.
Ang Reciprocal Access Agreement ang ginalauman nga magahimo man sang protocols para sa pag-estasyon kag pagpadala sang military assets sang Japan sa Pilipinas —amo man ang iya sang Pilipinas didto sa Japan.
