ILOILO — Ginkumpirma sang Philippine Army nga may napatay sa katapo sang Communist Party of the Philippines-New People’s Army (CPP-NPA) matapos nagluntad ang engkwentro sa boundary sang Barangay Cawilihan kag Barangay Bucari, Leon, Iloilo.
Sa interview sang Bombo Radyo kay Lieutenant Colonel J-Jay Javines, spokesperson sang 3rd Infantry Division, Philippine Army, iya ginpahayag nga nagapadayon pa ang ekwentro sa tunga sang 61st Infantry Battalion kag ginapatihan mga katapo sang Regional Sentro De Gravidad kag remnants sang Southern Panay Front sang Komiteng Rehiyon – Panay.
Suno kay Javines, sa subong, indi pa matumod sang otoridad kun pila ka bilog ang napatay nga rebelde.
Ginpahayag man ni Javines nga may na-recover man sa ginluntaran sang engkwentro ang mga matag-as nga kalibre ang mga armas.
Nahibaluan nga nagsugod ang engkwentro las-7:30 kaina sang aga sa diin tubtob subong, ginalagas sa gihapon ang indi magnubo sa 30 nga mga rebelde.
