Ginkumpirma sang Philippine Army nga wala na sila sang may na-monitor nga presensya ukon sightings sang New People’s Army (NPA) sa isla sang Panay.
Sa interview sang Bombo Radyo yo kay Major General Michael Samson, Commander, 3rd ID, Philippine Army, iya ginpahayag nga nangin madinalag-on ang ila kampanya sang militar batok sa insurgency sa rehiyon.
Suno kay Samson, ang pinakaulihi nga na-monitor nga sightings sang NPA amo ang sa Tapaz, Capiz pa sang nagligad nga Agosto 2025 pa kag sa karon wala na sila sang may na-monitor nga aktibidad sang rebelde nga grupo sa Panay.
Pahayag ni Samson bangud wala na sang reported sightings wala man sila sang ginapaabot nga encounter sa subong nga tion.
Ginpasiguro man sang opisyal nga padayon ang ila pagbantay sang militar agud mapabilin nga safe ang komunidad.
Nagpanawagan man ang Philippine Army sa media kag mga pribado nga sektor nga kun may ma-monitor nga presensya ukon aktibidad sang NPA, dapat ini nga ipahibalo gilayon sa mga awtoridad.
