𝗜𝗟𝗢𝗜𝗟𝗢 𝗖𝗜𝗧𝗬 – Nakahanda na ang Philippine Army sa Iloilo sa Dugong Bombo 2024, A Little Pain, A Life to Gain.
Sa interview sang Bombo Radyo kay 1st Lieutenant John Bethoven Malana, Civil Military Officer sang 82nd Infantry Battalion sang Philippine Army, iya ginpahayag nga indi lamang pagpasiguro sang kalinong kag katawhay ang ginatutukan sang mga soldado kundi, nagabulig man sila sa pagsolbar sang isa sa dako nga kinahanglanon sang publiko nga amo ang dugo.
Suno kay Malana, mangin sila nga mga soldado ang maga-upod kag magasuporta man sa Dugong Bombo 2024, A Little Pain, A Life to Gain ilabi subong nga nagbalik na sa normal ang sitwasyon matapos ng pandemya.
Ginpahayag sini nga importante ang pagdonar sang dugo bangud nga indi lamang ini makabulig sa isigkapareho kundi makapa-ayo man sa pamatyag sang isa ka tawo.
