ILOILO CITY – Pasangkaron pa sang Philippine Army ang information drive sa mga state universities and colleges kag subong man sa mga secondary schools agud nga malikawan ang recruitment sang rebelde nga grupo sa mga estudyante ilabi na nga mabukas subong nga bulan ang mga eskwelahan.
Sa interview sang Bombo Radyo kay Captain Kim Apitong, spokesperson sang 3rd Infantry Division sang Philippine Army, iya ginpahayag nga agud nga malikawan ang recruitment sang mga rebelde, dapat nga mahibaluan sang mga estudyante ang nahanungod sa Communist Party of the Philippines-New People’s Army-National Democratic Front (CPP-NPA-NDF) pinaagi sa pagpakig-angut sa mga eskwelahan.
Tinguha-an man sang army nga malab-ot ang mga ginikanan.
Maga-coordinate man sila sa mga local officials.
Sa pila ka bahin sang Visayas, may yara sang katapo sang army nga nagapatigayon sang community engagement bilang pagpanghanda sa pagbukas sang klase.
