ILOILO CITY– Ginhangkat sang Philippine Army ang New Peoples Army nga magpakita sa ila agud mahibalu-an kun sin-o ang matuod nga warrior sa isla sang Panay.
Ini matapos man sang kamatayon ni Police Captain Efren Espanto Jr. ang pinuno sang reconnaisance company sang Regional Mobile Force Batallion nga napatay sa encounter sa Zone 7, Brgy. Aglobong, Janiuay, Iloilo.
Sa interview sang Bombo Radyo kay Captain Cenon Pancito III, Spokesperson sang 3rd Infantry Divisoion sang Philippine Army, iya ginpahayag nga sila ang nagakadapat nga atubangon sang mga rebelde, bangud sila ang mas trained kag ila trabaho ang ,may kaangtanan sa mga rebelde.
Suno kay Pancito, kun matuod nga indi mahina ang nasambit nga mga grupo, nagakadapat nga mag-atubang ang mga ini sa mga katapo sang militar kag mag-away sang patas.
Pahayag pa ni Pancito indi nagakadapat nga maghatag sang anuman nga huol sa katapo sang kapulisan kag Citizens Armed Forces Geographical Unit ang mga rebelde kundi direkta nila nga atubangon ang militar.
Dugang pa sang natungdan, sila sa militar ang wala nagapati nga ang mga tawo ang nagasuporta sa mga miyembro sang makawala nga grupo sa baylo, mas nagasuporta ang mga tawo sa bahin sang gobyerno.
