Nagpatigayon na sang imbestigasyon ang Philippine Army kaangot sa paghikog sang isa ka Corps Commander bangud sa ginapahayag depression sa ginhimo nga hazing sang upper class sini sa Reserve Officers’ Training Corps (ROTC) sa Passi City sa Iloilo.
Ang biktima amo si JP Mombay, 3rd year Bachelor of Science in Criminology student sa Passi City College.
Sa interview sang Bombo Radyo Iloilo kay Colonel Jonathan Gayas, Group Commander sang 6th Regional Community Defense Group, Reserve Command, Philippine Army, iya ginpahayag nga ang ila Community Defense Center sa Iloilo ang nagpatigayon sang imbestigasyon.
Suno kay Gayas, kaupod man nila sa imbestigasyon ang pamunuan mismo sang Passi City College.
Kaangay sang pamilya ni Mombay, luyag man nila nga mahibaluan ang kamatuuran sa likod sang ginapahayag hazing nga naagyan sang biktima sa iya mga senior sa ROTC sa diin gin-blindfold nila ini, ginhampak sang paddle kag ginkastigo.
Una naman nga gin-ako sang pamilya sang biktima kag sang kahagugma sini nga indi na niya masarangan ang naagyan nga depression kag stress nga resulta sang hazing rason nga naghikog na lang ini.
