Nagdepensa ang Philippine Army angot sa kontrobersyal nga engkwentro nga natabo sa Toboso Negros Occidental sang nagligad nga Abril 19 kun sa diin naglab-ot sa 19 ang patay nga ang iban sa mga ato ang indi sibilyan.
Sa interview sang Bombo Radyo kay Major General Michael Samson, Commander sang 3rd Infantry Division (3ID) sang Philippine Army, iya ginpahayag nga wala sang matabo nga engkwentro ukon pagbaslanay sa tunga sang mga ini kun indi ang mga ato mga armado kag makawala nga grupo.
Suno kay Samson, sa tion sang engkwentro wala na sang kahigayunan para sa pagklaruhay ukon pag-estoryahanay sa tunga sang mga ini apang ang ila presensya sa amo nga lugar ang isa sa mga rason kun ngaa ginakonsiderar sang Philippine Army nga sila rebelde nga grupo.
Dugang pa niya, may mga nagapanginwala nga indi sila miyembro sang NPA, apang suno sa militar, may mga ebidensya sila nga nagapakita nga may kaangtanan ang grupo sa rebelde ilabi na bangud may mga dala ang mga ini sang armas.
