CAMP PERALTA JAMINDAN, CAPIZ– Nagdepensa man ang Philippine Army may kaangtanan sa kontrobersyal nga pagkadakop sa 54 anyos nga si Baltasar Cresosto Saldo sang Brgy. Sto. Angel Dumalag Capiz matapos nasal-an nga lider sang Communist Party of the Philippines-New Peoples Army(CPP-NPA).
Sa interview sang Bombo Radyo kay Capt. Cenon Pancito III, tagpamaba sang 3rd Infantry Division sang Philippine Army, iya ginpahayag nga naghingyo sang dugang nga affidavit nagikan sa witness ang prosecution.
Suno kay Pancito, wala ini na-establisar bangud wala sang sworn statement ang witness rason nga wala man sang mahimo kundi buy-an sang ginapahayag suspek.
Nag-akto man sila suno kay Pancito, base man sa ginbuy-an nga pahayag sang witness.
Kun matuod naman nga mistaken identity suno sa iya iga-uphold naan nila ang kinamatarung ni Saldo apang ginasunod lang man nila ang proseso.
Wala naman nila ginadula sa pamilya ni Saldo suno kay Pancito ang kinamatarung nga magpasaka sang sang kaso sa mga witness nga naghatag sang sala sa impormasyon.
Ginpanindugan man sang natungdan nga wala sang ginahimo nga iligal kag supak sa layi ang Philippine National Police kag Philippine Army.
Nahibaluan nga nangin kontrobersyal ang pagdakop kay Saldo matapos ginklaro sang pamilya ni Virgilio Paragan alyas Hassan anay commanding officer sang Roger Mahinay Command Komiteng Rehiyon-Negros sang CPP-NPA sang ginklaripika ini sa Kabankalan Police Station sa Negros Occidental.
