ILOILO CITY –Preparado na ang Philippine Army sa tion nga may mabaton nga pagpamahog nagikan sa mga rebelde nga grupo kadungan sang 2023 Barangay and Sangguniang Kabataan Elections.
Nahibaluan nga ang eleksyon ang natalana nga patigayunon sa Oktubre 30 sa bug-os nga Pilipinas.
Sa interview sang Bombo Radyo Brigadier General Michael Samson, Commander sang 301st “Bayanihan” Brigade sang Philippine Army, iya ginpahayag nga nakatutok ang mga ini sa New People’s Army infested barangays agud malikawan ang ano man nga sahi sang pagpamahog kag kinagamo.
Suno kay Samson, nakig-angot na ini sa mga local government units, Philippine National Police, Armed Forces of the Philippines, Commission on Election, kag iban pa nga mga ahensya agud siguraduhon ang kalinong kag katawhay sa Western Visayas.
Nagpasalig naman si Samson nga indi sini pag-itolerar ang indi manami nga buluhaton sang mga rebelde.
