Naapektuhan gid sang “tagkiliwi” ang automotive industry sa Pilipinas sang Agusto.
Sandig sa joint report sang Chamber of Automotive Manufacturers of the Philippines, Inc. (CAMPI) kag Truck Manufacturers Association (TMA), nag-us-os sang 7.6% ang sales sa mga passenger cars kag commercial vehicles sang amo nga bulan.
Nagnubo ini sa 36,174 sang nagligad nga bulan nga mas manubo sa 39,155 units sa amo man nga period sang 2024.
Kun bulanan naman ang basehan, 5.5% ang gin-nubo sang vehicle sales halin sa 38,295 units nga nagabaligya sang Hulyo.
Kun pahat-pahaton, may decrease nga 3.5% ang sales sang commercial vehicles halin sa 29,626 units sang August 2024 pakadto sa 28,583 sa August 2025.
Sa pihak nga bahin, ang sales sa passenger cars nag-us-os man sang 20.3% sa 7,591 units sini nga tuig halin sa 9,529 units sang August 2024.
Apisar sini nga numero, nagapabilin nga positibo ang CAMPI nga makabawi kag magsaka ang car sales sa nabilin nga apat ka bulan subong nga tuig.
Ginasaligan sang industry group ang “evolving consumer preferences” kag ang pagsaylo sa “sustainable mobility”.
“CAMPI and TMA reaffirm their commitment to supporting innovation and advancing the automotive sector’s contribution to national development,” kabahin sang joint report.#
(Photo: Boy Santos)
