Passi City – Nakahanda na ang Passi City sa pagahiwaton nga Philippine Basketball Association All Star Game umpisa subong nga adlaw tubtub sa Marso 12 sa Passi City Arena.
Sa interview sang Bombo Radyo kay Passi City Mayor Stephen Palmares, iya ginpahayag nga balantayan ang mga aktibidad sa syudad kun sa diin mahimo nga makita kag maistorya ang paborito nga basketball star sang pungsod.
Suno kay Palmares, kahigayunan ini sa mga basketball enthusiasts kun sa diin may yara sang ipahamtang nga PBA Skills Challenges kaangay sang Slamdunk Challenge, Three-Point Shooting, kag Obstacle Challenge.
Sa Marso 12 nga amo ang highlight, mahimo nga malantaw ang sambuwa sang Team Japeth Aguilar versus Team Scottie Thompson.
Ginpahayag sang natungdan nga mahimo nga magbakal sang tickets pinaagi sa Local Government Unit sang Passi City kun sa diin, “first come, first served basis” ini.
