ILOILO CITY – Nagpasalig ang Philippine Basketball Association nga handa sila nga magbulig sa Gilas Pilpinas para sa preparasyon sa FIBA Basketball World Cup 2023.
Mangin ang isa ka team executive ang nagpabutyag nga handa nga magpahulam sang ila coach kag utility staff.
Ang Pilipinas ang maga-co-host sang World Cup sa masunod nga tuig upod ang Indonesia kag Japan.
Bangud sini, dako ang ekspektasyon sa Gilas Pilipinas sa pihak sang kapyerdehan sa nagligad nga 31st Southeast Asian Games kun sa diin, nautod ang 13 ka sunud-sunod nga kadalag-an sa Sea Games.
Suno kay PBA commissioner Willie Marcial, kun ano ang kinahanglan sang Gilas, ihatag sang PBA.
Kabahin diri ang posible nga paglain sang schedule sa masunod nga tuig agud nga ma-accommodate ang training camp sang team.
Una na nga ginpahayag ni Chot Reyes nga kinahanglan niya ang tatlo ka bulan nga training sang national team.
Suno naman kay Barangay Ginebra team governor Alfrancis Chua, wala sang problema para sa ila nga ipahulam ang bisan sin-o nga myembro sang ila nga team.
Ang Pilipinas ang nagkuligot sa 32 ka team sa World Cup sang 2019.
Ang FIBA World Cup 2023 ang patigayunon sa Agosto 25 tubtob Setyembre 10 kag ang final phase ang patigayunon diri sa Manila.
