ILOILO CITY – Magapadayon ang pagsuporta sang Philippine Basketball Association sa Gilas Pilipinas matapos nga unanimous approval sang Board of Governors sa request ni head coach Chot Reyes nga i-tap ang serbisyo sang mga players para sa isa pa ka window sang International Basketball Federation World Cup Asian Qualifiers sa bulan sang Nobyembre.
Gin-aprubahan ni Commissioner Willie Marcial ang amo nga development kag ginpahayag nga nagpasugot ang board nga magkuha si Reyes sang duha tubtob tatlo ka team kun sa diin, magapili siya sang players agud nga mangin kabahin sang Gilas lineup para sa hampang batuk sa Saudi Arabia kag Jordan.
Wala pa man sang lineup si coach Chot kag posible nga magakuha ini sang international players.
Sa ikalima nga window, wala na sang nabilin nga players bangud indi naman available sanday National Basketball Association star Jordan Clarkson kag Adelaide big man Kai Sotto.
Ang Philippine Basketball Association, National Collegiate Athletic Association, University Athletic Association of the Philippines, B.League kag Korean Basketball League ang yara na sa tunga-tunga sang ila season sa bulan sang Nobyembre.
