Nakakuha sang duha ka bronze medals ang Team Philippines sa International Bowling Federation (IBF) World Championships nga ginhiwat sa Dubai, United Arab Emirates.
Ang men’s team nanday Ian Dychangco, Merwin Tan, Patrick Nuqui, kag Kenneth Chua ang nakakuha sang bronze sa team event, samtang sanday Uella Marcial, Mades Arles, Norel Nuevo, kag Rachelle Leon ang nagdaog man sang bronze para sa women’s team.
Suno kay Biboy Rivera, ang national team coach, madugay man nga wala nakakuha sang medalya ang men kag ladies teams sa World Championships gani nga “extra special” ini para sa iya.
Ang South Korea amo ang nakakuha sang bulawan nga medalya samtang silver medal naman ang nakuha sang Singapore sa men’s competition.
Sa women’s event, ang Team USA amo ang nanguna sa kompetisyon samtang ang Malaysia ang nagpangaduha.
