May patigayunon nga 3rd General Assembly ang Philippine Dental Association (PDA) Iloilo Chapter sa Solana Premiere, Tabucan, Mandurriao, Iloilo City.
Tema sang aktibidad amo ang, “Pamilya, una kong dentista!”
Sa interview sang Bombo Radyo kay Dr. Sofia Castor, President sang Philippine Dental Association Iloilo Chapter, iya ginpahayag nga ang nasambit nga pagtililipon ang pasakupan sang kapin 800 ka mga dentista sa Iloilo.
Mangin dinapit man nga bisita ang nagkalain nga mga dentista sa pungsod nga magapakigbahin sang ila ihibalo.
Suno kay Castor, ginalauman nga mangin mabinungahon ang nasambit nga pagtililipon sa diin kaupod man nila ang Department of Health kag Department of Education.
Patigayunon ang aktibidad sa Abril 25 kadungan man sang Oral Cancer Awareness month.
