Mangin prayoridad sang National Economic and Development Authority (NEDA) ang pagpasangkad sang social security kag pagpauswag sang edukasyon sa human development sa sulod sang masunod nga duha ka tuig.
Suno kay Acting Socioeconomic Planning Secretary Karl Chua, sa idalom sang Updated Philippine Development
Plan 2017-2022, hugot nga tutukan ang pagpasanyog sang Universal Health Care Act, kalidad sang edukasyon kag workforce.
Ginhatagan man sang igtalupangod ang pagbalay sang Social Protection Floor nga amo ang nagahatag sang basic nga lebel sang seguridad sang income pinaagi sa mahapos nga transfer kag access sa kinahanglanon nga mga serbisyo.
Ang Updated Philippine Development Plan ang igalunsyar sa bulan sang Pebrero.
Diri man nalakip ang reporma kag mga stratehiya agud mapadasig ang paglab-ot sang Sustainable Development Goals (SDGs).
