ILOILO CITY – Ginpanubu-an sang economic managers sang Marcos administration ang inflation outlook para sa 2023 bangud sang apat ka sunud-sunod nga bulan sang padayon nga pagnubo sang inflation subong nga tuig.
Apang, ang downwardly revised outlook ang yara sa gihapon sa ibabaw sang target ceiling sang gobyerno nga 2% tubtob 4% inflation.
Suno kay Budget Secretary Amenah Pangandaman, nadesisyunan sang economic managers nga panubuan ang inflation assumption subong nga tuig sa 5% tubtob 6% nagikan sa nagligad nga 5% to 7% nga gin-anunsiyo sang Abril.
Sang Mayo, ang inflation rate sang Pilipinas ang padayon nga nagnubo sa 6.1% nagikan sa 6.6% sang Abril kag nagdala sang year-to-date rate nga 7.5%.
Ini na ang ika-apat nga tion nga nagpanaog ang inflation nagikan sa peak nga 8.7% sang Enero.
