Nagpasalig ang Philippine Egg Board Association (PEBA) nga wala sang nakita nga kakulangan sa suplay sang itlog sa Abril apisar sang mga pagpamahog sang bird flu.
Ginpahayag ni Philippine Egg Board Association president Francis Uyehara nga base sa ila projection, may yara sang bastante nga supply sang itlog ang pungsod tubtob sa bulan sang Abril kag Mayo bangud sa mas maayo nga produksyon.
Madumduman nga una ginpahayag ni Agriculture Secretary Francisco Tiu Laurel Jr. nga mahimo nga mag-atubang sang supply shortage ang pungsod sa bulan sang Abril, bisan pa nga ang Pilipinas wala pa maka-eksperyensya sang lapnagon nga outbreak sang bird flu.
Apang, ginhatagan niya sang importansya nga may tion pa agud matapna ang gina-project nga kakulangan.
