Nag-crash sa kahawaan sang Washington Patomac River sa Estados Unidos ang isa ka eroplano matapos nga nakabunggo sa isa ka military helicopter.
Sa interview sang Bombo Radyo kay Valerie May Baqueriza-Belleza, Bombo International Correspondent in USA, iya ginpahayag nga ang eroplano ang may dala nga 60 ka mga pasahero kon sa diin 18 ka mga lawas ang nakuha sa nasambit nga suba.
Suno kay Belleza, ang eroplano ang naga-operate bilang Flight 5342 sang American Airlines nga naghalin sa Wichita, Kansas kag padulong kontani sa Reagan National Airport.
Natumod naman ang helicopter nga US Army Sikorsky H-60 Black Hawk helicopter.
Ginkumpirma naman sang US Army nga may tatlo nila ka katapo ang sakay sang amo nga helicopter.
Nahibaluan nga ang eroplano ang may sarang nga kapasidad nga 78 passengers samtang ang helicopter ang may kapasidad nga makasakay sang 15 ka mga indibidwal.
Gin-athag naman sang Philippine Embassy in Washington DC nga wala sang Filipino ang nasamaran sa nagluntad nga insidente.
