Kaupod ang Department of Foreign Affairs ukon DFA, nagahimo na sang pila ka mga tikang ang Philippine Embassy sa Islamabad, Pakistan nga amo ang may jurisdiction sa Afghanistan, para sa repatriation ukon evacuation sang mga Pinoy sa Kabul — ang kapital sang amo nga pungsod nga ginsulod sang Taliban millitants.
Una na nga nag-anunsyo ang DFA sang Alert Level 4 — pinakamataas nga security warning nga ginahatag sang Pilipinas sa mga pungsod kun sa diin tuman ka taas ang risgo sa kabuhi sang Filipino workers ukon travelers bangud sa away-militar ukon kalamidad.
Ginabanta may 130 ka Pinoy sa Afghanistan.
Sa exclusive interview sang Bombo Radyo sa isa ka personnel sang Philippine Embassy sa Islamabad, Pakistan, iya ginpahayag nga may lista na sila sang pangalan sang mga Pinoy nga padayon nila nga ginapakig-angutan para sa repatriation.
Kahapon, Dominggo sang gab-i, may 32 na ka Pinoy nga gin-evacuate halin sa Kabul kasunod sang nagataas kag nagalala nga tensyon sa diin nabutang sa alang-alang ang ila nga seguridad.
Nagapanawagan ang Philippine Embassy sa mga Pinoy nga may kakilala kag himata nga yara sa Afghanistan.
Magkontak ukon makig-angot sa mga masunod nga account ukon numero:
WHATSAPP/viber account plus: +923-33-524-4762
Messenger ukon sa Facebook: OFW Help PH
Email address: isbpeatn@gmail.com
