Nagpaandam ang Philippine Institute of Volcanology and Seismology (PHIVOLCS) sa mga local government units malapit sa Bulkan Kanlaon sa Negros Island nga mag-aligmat sa possible matabo nga “rain-induced lahar” kasunod sang pagbubo sang mabaskog nga ulan matapos naglupok ang bulkan sang Disyembre 9.
Suno sa ahensya, nagbubo ang mamunog nga ulan sa southern slopes sang Kanlaon kag mahimo ma-generate sini ang rain-induced nga lahar sa mga suba nga nagailig sa mga barangay.
Gin-abisuhan ang local government units nga i- monitor ini kag ang mga manubo nga barangay sa tion nga magluntad ang lahar kag maapektuhan ini nga mga komunidad.
Nahibaluan nga napaidalom gihapon sa Alert Level 3 ang Kanlaon.
Naglab-ot man sa Panay kag Guimaras ang abo nga ginbuga sang bulkan.
Sa subong, yara sa masobra 11,000 ka mga evacuees ang narecord sa La Castellana, La Carlota City, Bago City, Pontevedra, kag Moises Padilla.
