Philippine Army, gintumod nga NPA ang responsable sa ambush sa Igbaras, Iloilo

ILOILO CITY–Napat-ud na sang Commander sang 3O1st Brigade sang Philippine Army nga ang New People’s Army (NPA) ang nagsalakay sa Igbaras, Iloilo.
Sa interview sang Bombo Radyo kay Col. Benedict Arevalo rason nga gin tiro ang Safety Officer 3O1st Brigade sang Philippine Army, iya ginpahayag nga posible nga wala naghatag sang kwarta ang Century Peak Energy Corporation sa NPA rason nga gintiro ang Safety Officer sang nasambit nga kompanya nga si Sheila Mae Estevez.
Si Estevez ang yara sa sulod sang salakyan sang gintiro sang mga NPA.
Ginabanta nga indi magnubo sa 10 ka katapo sang NPA ang nagatake sa Igbaras, Iloilo.
Una na nga ginsunog sang NPA ang kagamitan kag salakyan sang Century Peak Energy Corporation sang tuig 2015 bangud sa indi paghatag sang kwarta.

Samtang, ginhangkat naman ni Col. Arevalo ang human rights group kag advocate group nga pakamalaoton ang ginhimo sang NPA nga pagtiro sa Safety Officer sang nasambit nga  hydro energy company.

Sunu kay Arevalo, indi na mga military ukon pulis ang ginaatake sang NPA kundi pati na ang mga kaluluoy nga sibilyan.

Ang ginahimo sang NPA sunu kay Arevalo ang nagapakita lamang nga wala na sang ginakahadlukan ang mga NPA.

Dugang pa ni Arevalo, ginlapas sang mga rebelde ang Comphrehensive Aggreement on Human Rights and International Humanitarian Law.