ILOILO CITY – Magapatigayon sang Cadet Admission Test ang Philippine National Police Academy sa maabot nga Sabado kag Domingo, Oktubre 29-30.
Sa interview sang Bombo Radyo kay Cadet 1st Class Kim Gonzales, iya ginpahayag nga ang 965 nga mga aplikante nagikan sa Panay ang magakuha sang exam sa Iloilo National High School.
Ginpasiguro sang talatapan nga masunod ang health protocols kaangay sang physical distancing kag pagsuksok sang face mask.
Ginaabisuhan ang mga examinees nga magdala sang disinfectant, kaugalingon nga ballpen, lapis kag eraser.
Ang Philippine National Police Academy cadetship program ang isa ka government scholarship program.
Ini ang 4-year education and training program.
Ang mga graduates ang gilayon nga mangin qualified bilang Police Lieutenants sa Philippine National Police kag mahimo man nga magsulod sa Bureau of Jail Management and Penology kag sa Bureau of Fire Protection.
Nahibaluan nga bugal sang mga Ilonggo ang class valedictorian sa Alab-Kalis Class 2022 nga naggradwar sini nga tuig.
Siya amo si Police Lieutenant Ernie Alarba Padernilla sang Barangay Dalicanan, Passi City.
