ILOILO CITY – Nagalaum ang mga players sang Philippine national women’s football team nga mas madamo pa ang magalantaw sa finals sang 2022 AFF Women’s Championship subong nga adlaw kasunod sang masobra sa 3, 000 fans nga naglantaw sang hampang sang Byernes sa Rizal Memorial Football Stadium.
Nangin historic ang performance sang Filipinas matapos nalutos ang defending champion nga Vietnam sa score nga 4-0.
Suno kay Sarina Bolden, tuman ka dako ang suporta nga nakita nila sa mga fans.
Sang Byernes ang ginakabig nga may pinakamadamo nga crowd nga nagbulig sa kadalag-an sang grupo.
Suno pa sa iya, mabudlay nga maghampang batuk sa home crowd bangud nga na-eksperyensyahan nila ini sang naghampang sila batuk sa Vietnam sa SEA Games.
Apang kun may yara sang crowd, manami man ang ila pamatyagan kag dako gid ang nabulig.
Alas-7:30 karon sa gab-i, balantayan ang hampang sa tunga sang Philippine team kag sang Thailand.
Ang pinakaulihi nga update ang bantayan lang diri sa Bombo Radyo Iloilo.
