ILOILO CITY – Magapadulong sa pungsod Brazil ang Philippine national women’s volleyball team para sa tatlo ka semana nga training bilang pagpanghanda para sa 31st Southeast Asian Games.
Ang team ang magabyahe subong nga adlaw padulong sa Barueri, São Paulo State.
Pamunuan ni Alyssa Valdez ang grupo.
Si Valdez ang Finals MVP sang nagligad nga Premier Volleyball League (PVL) Open Conference kun sa diin, nakuha man sang ila grupo ang kampyonato.
Kaupod man ni Valdez si Jema Galanza kag Kyle Negrito nga amo ang magabulos kay Deanna Wong para sa SEA Games lineup.
Si Wong ang nakaagum sang injury sa iya pinakaulihi nga hampang.
Kabahin man sang line up sanday Iris Tolenada, Kath Arado, Dawn Macandili, Dell Palomata, Jaja Santiago, Aby Maraño, Ria Meneses, Ces Molina, Kat Tolentino, Mylene Paat, kag Majoy Baron, Jelai Gajero kag Casiey Dongallo.
Ang head coach sang national team amo si Jorge Edson Souza de Brito kaupod sanday Odjie Mamon, Grace Antigua kag Raffy Mosuela.
Ang SEA Games ang patigayunon sa Mayo12-23 sa Hanoi, Vietnam.
